Մինսկի խմբի համանախագահությունը չի կարող պարտադրել Ադրբեջանին չկրակել. Շավարշ Քոչարյան
Եթե բանակցային գործընթացում չկա առջընթաց, ապա դրա մեղավորները ոչ թե համանախագահներն են, այլ Ադրբեջանը, լրագրողների հետ զրույցում ասաց ՀՀ ԱԳ փոխնախարար Շավարշ Քոչարյանը։
«Երբ որ մենք խոսում ենք արտգործնախարարների հանդիպման մասին՝ կապված ղարաբաղյան հիմնահարցի հետ, մենք միշտ պետք է հիշենք, որ այդ հանդիպումները, բանակցություններն ընթանում են երկու հարթությունում: Մի հարթությունը՝ փորձել առաջընթաց ապահովել բանակցային գործընթացում: Ցանկացած քաղաքացու համար ակնհայտ է, անզեն աչքով երևում է, որ այս պարագայում այդ ուղղությամբ առաջընթաց սպասելն անհնար է՝ դատելով այն հայտարարություններոից, որոնք արվում են Բաքվի կողմից: Երկրորդ հարթությունը՝ թույլ չտալ, որ վերսկսվեն ռազմական գործողությունները»,- ասաց նա:
Նա ընդգծեց, որ բանակցային գործընթացի առաջընթացի համար կողմերի միջև վստահություն է պետք. «Վստահության համար նվազագույն անհրաժեշտ հիմքը այն է, որ կողմերն առնվազն չկրակեն»,- նշեց նա։
Քոչարյանը նաև ընդգծեց, որ Մինսկի խմբի համանախագահությունը չի կարող պարտադրել Ադրբեջանին չկրակել, քանի որ դրա մանդատն այլ է:
Հետևեք մեզ Viber-ում
