«Միաբջիջ մարդ է, ոչ մեկն այս երկրում չի կարող ինձ վարկաբեկել».Ալիկ Սարգսյանը դիմել է ՀՔԾ
« 2008-2010թթ. Արարատի մարզպետի պաշտոնը զբաղեցրած Վարդգես Հովակիմյանը փորձում է շանտաժի միջոցով իրենից գումար կորզել:Միաբջիջ մարդ է, ոչ մեկն այս երկրում չի կարող ինձ վարկաբեկել: Ես մաքուր մարդ եմ, մաքուր եմ ապրել ու իմ խիղճը հանգիստ է, որիցևէ օրենքի առջև պատասխան տալու խնդիր ես չունեմ և չեմ ունենալու։ Իմ բոլոր արարքների համար պատասխանտու եմ»,- ՀՀԿ-ական պատգամավոր, նախկին ոստիկանապետ Ալիկ Սարգսյանն այսօր Ազգային ժողովում լրագրողների հետ զրույցում պարզաբանեց, թե ինչու է ինքը դիմել Հատուկ քննչական ծառայություն: Մինչև հիմա ես ուղղակի լուրջ չեմ վերաբերվել, իսկ հիմա հասկացել եմ, որ մարդիկ վարկաբեկելու խնդիր ունեն, սակայն ես կորցնելու ոչինչ չունեմ,-ասաց նա: Ա.Սարգսյանը սա «զրպարտության զուր փորձ» անվանեց և վստահեցրեց, թե ինքը երբեք ոչինչ չի թաքցրել, այդ թվում՝ իր ունեցած սեփականությունը:
«Ես բազմաթիվ անգամ ասել եմ, նորից կրկնում եմ՝ ես արժանավայել կյանքով եմ ապրել, իմ ամբողջ աշխատանքային ուղին մաքուր և անբիծ է անցել։ Ես զբաղվել եմ իմ գործով։ Ինչ կարողություն ունեմ, դրա համար համապատասխան բացատրություն և արդարացում ունեմ»,- ասաց պատգամավորը։
Հետևեք մեզ Viber-ում
