Մայրապետերի նոր Հայրապետը
Կաթողիկոսի հրաժարական պահանջողները համախոհներին փոխելուց բացի, քիչ-քիչ փոխում են նաև իրենց սեռը: Օրինակ, երեկ գործող անձինք բոլորը կանայք և աղջիկներ էին: Հիմա կհարցնեք` իսկ ինչն է այստեղ վատ, չէ որ Աստվածաշնչում գրված է, որ Եվան պետք է խաբի Ադամին: Անշուշտ, դուք չեք սխալվում Կարենը ու Կորյունենք հասկացել են, որ ամեն բան պետք է անել Սուրբ գրքի կանոնի համաձայն, որ խաբելու համար կնոջից լավ տարբերակ չի գտնվի և ահա հայտնությունը՝ շատ կանայք ու հիմար տեղեկություններ: Սկսեմ ելույթներից, ուրեմն՝ երեք կնոջ ելույթ լսեցի, մեկը նանար էր ասում, մյուսը մոմ էր վառել ու Կորյունին գովում էր, էն մյուսն էլ ուզում էր ինքը կաթողիկոս դառնալ (դե սկսզբից միշտ էլ չեմուչում են անում), բայց ամենից գլխավորը Հասմիկ Հալուլյանի Նիկոլ Փաշինյանի էջում արած գրառումն էր, որը մեր սիրելի վարչապետը, երբ կարդաց, զարմացել էր: Ուրեմն՝ Հասմիկը ասում է, որ լրատվամիջոցներին Գարեգին Բ-ն թույլ չի տալիս լուսաբանել՝ մոռանալով, որ Փաշինյանը լրագրող է մասնագիտությամբ և այս ոլորտի ամենահզոր դեմքերից մեկը ու էլ չեմ ասում, որ իր կինը «Հայկական ժամանակի» գլխավոր խմբագիրն է, ու այս ամենով հանդերձ՝ պատկերացնում եմ պարոն Փաշինյանը ինչպես զարմացավ այս անլուրջ մարդկանց գրառման վրա, որովհետև մամուլին արգելելը նույն հեքիաթների ժանրից է, ինչ-որ հրապարակում հավաքված Գյուլնազի թոռներինը: Պարոն վարչապետը հստակ ազդակներ ուղարկեց այս արկածասերներին՝ հասկացնելով, որ այս երկիրը տեր ունի, որ դուք անհիմն բաներ մի ասեք, թե չէ ամբողջ Հայաստանում իրար չսիրողների ու սիրողների մեծ բունտ կարող է առաջ գալ: Հիմա կարող ենք հստակ արձանագրել, որ «մայրապետերը» նախաձեռնությունը ավելի խորը փոսը դրեցին, որովհետև իրենց ակնկալությունները հօդս ցնդեցին միայն այն բանի համար, որ նրանք և իրենց նախաձեռնությունն աբսուրդ է, որ իրենք դեռ մնացել են «բերեք մերժենք» մեծ դոզայի տակ ու չեն գիտակցում, որ հոգևոր կյանքում մերժելը հակառակ էֆեկտ ունի, որ շուտով եկեղեցին էլ եք մերժելու, Աստծուն էլ եք մերժելու ու հետո դատարկության մեջ եք մնալու: Հիմա իմ հարցը այդ մայրապետներին, (իրենք են արդեն ղեկը վերցրել) այդքան, որ հրապարակներում ասում եք մեր հարգարժան, մեր պատվարժան վարչապետը, դուք վստա՞հ եք, որ իր խոսքին հավատարիմ եք, որովհետև երեկ պարոն Փաշինյանը հայտարարեց, որ բոլոր տեսակի անհնազանդության ակցիաները կամ գործողություններն, ուղղակի, հարված են կառավարությանը, որովհետև արտահայտում են անվստահություն կառավարության հանդեպ և խնդրեց դադարեցնել դրանք: Դուք վստա՞հ եք, որ շաբաթ օրը ձեր կազմակերպած երթն այդ անվստահության ցայտուն արտահայտությունը չի լինելու, դուք վստա՞հ եք, որ ձեր գործողությունները ստվեր չեն նետելու կառավարության գործողությունների վրա: Ձեզ իբրև բարի խորհուրդ, իմացեք, որ լրատվականները չեն հրապարակում ձեզ, որովհետև ձեր բոլոր քայլերը մեկը մյուսին հաղթում է իր հիմարությամբ ու եթե Փաշինյանի գրառման տակ հավաքել էիք 4 հազար հավանում, ուրեմն՝ դուք էլ մտածելու բաներ ունեք, որովհետև դրանց մեջ ահռելի թիվ էին կազմում այն մոլագարները, ովքեր եկեղեցին կործանված են ուզում տեսնել: Մի՛ ներքաշեք անմեղ մարդկանց այս կեղտոտ գործերի մեջ, եթե ուզում եք կործանվել, ուրեմն՝ ինքնուրույն արեք և Ադամի ու Եվայի պատմությունը մի՛ մոռացեք: fԿարեն Շահվերդյանի գրառումը
Հետևեք մեզ Viber-ում
