ԵԿՄ փոխնախագահ Համլետ Հայրապետյանն ու Գեղամ Սմբատյանը (ԵԿՄ) Կոռնիձորի Արոյի ԵԿՄ նախագահի պաշտոնում ինքնաառաջադրման մասին (video)
Օրերս ԵԿՄ վարչության փոխնախագահների, ԵԿՄ մարզային խորհուրդների, Երևանի և մարզերի տարածքային բաժանմունքների նախագահների, վարչության անդամների մասնակցությամբ տեղի է ունեցել ԵԿՄ ակտիվի նիստ, որի ժամանակ որոշել են վարչության նախագահի պաշտոնում առաջադրել ԵԿՄ անդամ, ԱԺ պատգամավոր, «Հանրապետություն» կուսակցության նախագահ Արամ Զավենի Սարգսյանի թեկնածությունը: Այսօր Հայելի ակումբում լրագրողների հետ հանդիպմանը ԵԿՄ վարչության փոխնախագահ Համլետ Հայրապետյանն ասաց, որ առաջիկայում սպասվող համագումարը լինելու է սեպտեմբերին. «Ստեղծելու ենք նախաձեռնող խումբ, որը կղեկավարի վարչության յոթ անդամների կողմից: ԵԿՄ անդամներից յուրաքանչյուրը կարող է մասնակցել նախաձեռնող խմբի աշխատանքներին»: Խոսելով մամուլում շրջառավող այն լուրերի մասին, որ Սեյրան Օհանյանը, Սեյրան Սարոյանը և Արայիկ Խուդավերդյանն էլ են պատրաստվում առաջադրվել ԵԿՄ նախագահի պաշտոնում՝ Հայրապետյանն ասաց, որ Սեյրան Օհանյանը և Սեյրան Սարոյանը նման ցանկություն չեն հայտնել. «Կա կանոնադրություն՝ ով կարող է ընտրել կամ ընտրվել: Արայիկ Խուդավերդյանը գուցե եղել է ԵԿՄ անդամ, բայց հիմա ինքը որևէ տեղ հաշվառված չէ, եթե նա հաշվառված լիներ, նա կարող էր ինքնաառաջադրվել»: Մանրամասները՝ տեսանյութում.
Հետևեք մեզ Viber-ում
