Հայաստանում կան ուժեր, որոնք ուզում են, որ սահմանին լարվածություն լինի և մենք կորուստներ ունենանք. Գառնիկ Իսագուլյան (video)
Այսօր Հայելի ակումբում լրագրողների հետ հանդիպմանը Գառնիկ Իսագուլյանը վստահեցրեց, որ մեր զինված ուժերը շատ ուշադիր են սահմանին թշնամու զենքի կուտակումների նկատմամբ. «Երբևէ չենք ասում, որ վտանգ այլևս չկա: Զորավարժություններից հետո Ադրբեջանն առաջին գծից զենքեր հետ չի տարել: Մենք այս ամենին շատ ուշադիր հետևել ենք»: Գառնիկ Իսագուլյանի խոսքով՝ ցանկացած երևույթ որը տեղի կունենա Արցախում կամ էլ Հայաստանում, կկրի ալիքաձև բնույթ. «Յուրաքանչյուր փոփոխություն շատ կարևոր է, որ բնական լինի, ոչ թե արհեստածին: Արցախում տեղի ունեցածն արհեստածին դրություն էր, բայց այն փոփոխությունները, որոնք եղան Արցախում, դրանք վաղուց որոշված էին արդեն»: Գառնիկ Իսագուլյանն առանց անուններ տալու, ասաց նաև, որ ՀՀ-ում կան ուժեր, որոնք կցանկանային, որ առաջնագծում ինչ-որ բան տեղի ունենար, և մենք կորուստներ ունենայինք: Մանրամասները՝ տեսանյութում.
Հետևեք մեզ Viber-ում
