Ինչ կապ կա Արցախը բանակցային կողմ դարձնելու և Նախիջևանի սահմանի լարվածության միջև. Գառնիկ Իսագուլյան (video)

Այսօր Հայելի ակումբում լրագրողների հետ հանդիպմանը, Հայաստանի Հանրապետությունում Արցախի Հանրապետության մշտական ներկայացուցչության խորհրդական-խորհրդատու Գառնիկ Իսագուլյանը, խոսելով Արցախը բանակցային սեղանին բերելու ՀՀ նոր իշխանությունների հայտարարություններից, ասաց, որ Արցախի Հանրապետությունը միշտ եղել է բանակցությունների մեջ. «Որևէ ժամանակ Արցախը բանակցությունների սեղանից չի բացակայել: Եռանախագահները միշտ այցելել են Բաքու, Երևան, Ստեփանակերտ, այսինքն՝ Ստեփանակերտի տեսակետը հնչել է, ու ՀՀ-ն միշտ հայտարարել է, որ ՀՀ-ն Արցախի կողքին է, ոչ՝ Արցախի փոխարեն: Ուղղակի Քոչարյանի և Սարգսյանի ժամանակ, համարելով, որ իրենք նաև Արցախից են, վերցրել էին այդ պարտավորությունը ու ներկայացնում էին նաև Արցախին: Նիկոլ Փաշինյանը շատ հստակ ասաց՝ ինչու նրանք կարող էին, բայց ինքը չի կարող: Նա իրեն իրավունք չի վերապահում, որ Արցախի անունից խոսի: Արցախի ժողովուրդն իր մանդատը տվել է Արցախի իշխանություններին, ու Նիկոլ Փաշինյանի դիրքորոշումն այդ հարցում շատ ճիշտ է»։ Հարցին՝ Արցախում ինչպես արձագանքեցին Հայաստան հիմնադրամի տնօրեն Արա Վարդանյանի ապօրինություններին, Իսագուլյանը պատասխանեց. «Անձը չի կարելի կապել համակարգի հետ, ինչպես օրինակ Մանվել Գրիգորյանի արածն են կապում ԵԿՄ-ի հետ: Արձանագրվել է վատը, բայց սրա կողքին չի կարելի չխոսել նաև լավից»: Առավել մանրամասն՝ տեսանյութում.