«Մեկուկես ամսում վերականգնվել է 20 մլրդ 622 մլն դրամի չվճարված հարկ». վարչապետ

Վարչապետ Նիկոլ Փաշինյանը կառավարության նիստի սկզբում հայտարարեց,որ իրավապահ տարբեր մարմինների կողմից հարուցված քրեական գործերի շրջանակում, միայն հարկային պարտավորությունների մասով, հուլիսի 1-ի դրությամբ հաշվարկվել, վերականգնվել է 20 մլրդ 622 մլն դրամի չվճարված հարկ ու սա մեկուկես ամսվա ընթացքում: Իսկ թե ինչու այդ գումարը բյուջեում չէ, ՊԵԿ նախագահը նշեց. «Դա 73 տնտեսվարողների վարքագծի արդյունք է: 800 մլն-ը մուտքագրվել է, 12,7 մլրդ-ն առաջադրվել է գանձման, 7 մլրդ-ը նախնական հաշվարկներ են, որոնք փոփոխման ենթակա են»: «Այս թիվը չի վերաբերում յուրացումներին, ապօրինի հարստացումներին, որոնք ևս իրենց ծավալներով չափազանց մեծ են, ու պրոցեսը շարունակվելու է. պետության վնասը մինչև վերջ վերականգնելու ենք»,-նկատեց վարչապետը: