Ավտովթար Դիլիջանի ոլորաններում. տեսանյութ

Ճանապարհային ոստիկանության 2-րդ սպայական գումարտակի 4-րդ վաշտի հետաքննիչ Պետրոսյանի կողմից նյութեր են նախապատրաստվում երեկ՝ հուլիսի 8-ին, Տավուշի մարզում տեղի ունեցած ավտովթարի փաստով։ Ժամը 14։40-ի սահմաններում Երևանի բնակիչ՝ 57-ամյա Մարինե Պապյանը իր վարած Suzuki մակնիշի 34 MZ 645 համարանիշի ավտոմեքենայով Երևան-Սևան-Իջևան ավտոճանապարհի 88-րդ կմ հատվածում՝ Դիլիջանի ոլորաններում, դուրս է եկել ճանապարհի երթևեկելի գոտուց, բախվել բետոնե արգելապատնեշներին, կոտրել այն ու մոտ 8 մետր առաջ ընթանալով՝ հայտնվել անտառում։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Մ. Պապյանը և նրա ուղևորը՝ 8-ամյա Ն. Բ-ն մարմնական վնավսածքերով տեղափոխվել են Դիլիջանի բժշկական կենտրոն։ Դեպքի վայր են ժամանել ՃՈ 2-րդ սպայական գումարտակի 4-րդ վաշտի 2-րդ դասակի ծառայողները՝ դասակի հրամանատար Աբազյանի գլխավորությամբ։ Ժամանել են նաև արտակարգ իրավիճակերի նախարարության փրկարար ծառայության Դիլիջանի հրշեջ-փրկարարական ջոկատը՝ 1 մարտական հաշվարկով։ Փրկարարներն ու ոստիկանները վերամբարձ կռունկի օգնությամբ ավտոմեքենան դուրս են բերել անտառից։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: