«Ի պաշտոնե ես իրավունք չուեմ իմ որդու մասին ավելի շատ հոգ տանել, քան մյուս զինվորների». Նիկոլ Փաշինյան

Այսօր ՀՀ վարչապետ Նիկոլ Փաշինյանի որդին՝ Աշոտ Փաշինյանը, զորակոչվում է բանակ։ Զորակոչի ժամանակ Ն. Փաշինյանը լրագրողների հետ զրույցում ասաց, որ հպարտություն է զգում, որ տղան գնում է բանակ ծառայելու։ Վարչապետն ասաց, որ իր որդու համար անհանգստությունն ավելին չէ, քան բանակի մյուս զինվորների համար իր ունեցած անհանգստությունն ու մտահոգությունը. «Ես ի պաշտոնե իրավունք չունեմ իմ որդու մասին ավելի շատ հոգ տանել, քան բանակի մյուս զինվորների մասին»: Լրագրողներից մեկի հարցին՝ արդյո՞ք արդյունք տվեցին վարչապետի այն կոչերը, որ ծնողներն իրենց ծառայող որդիներին տնից պետք է հագուստ և ուտելիք չուղարկեն, Ն. Փաշինյանը պատասխանեց, որ մասամբ արդյունք տվել է, բայց դեռ աշխատելու տեղ կա։ «Այն  ապահովումը, որ դրված է պետության վրա, պետությունը պետք է լիարժեք կատարի, դա չի նշանակում, որ ծնողները չեն կարող միս վերցնել, գնալ իրենց տղային տեսնելու,  խորոված անել և այլն»,- նշեց վարչապետը։