Յուրի Ջորկաեֆը պատրաստ է լրջորեն աջակցել Հայաստանին եւ հայկական ֆուտբոլին. վարչապետ
Հայաստանում են ֆուտբոլային լեգենդները: Նրանց «Լեգենդների խաղ»-ին՝ Հարավային Ամերիկայի և Եվրոպայի աշխարհահռչակ վետերան ֆուտբոլիստների մրցավեճին երեկ ներկա է եղել նաև վարչապետ Նիկոլ Փաշինյանը: Այդ այցի շրջանակներում Հայաստանում է նաև Յուրի Ջորկաեֆը, որի հետ այսօր, քիչ առաջ հանդիպում է ունեցել ՀՀ վարչապետ Նիկոլ Փաշինյանն ու այդ մասին գրառում կատարել իր ֆեյսբուքյան էջում. «Աշխատանքային օրը սկսեցի աշխարհահռչակ հայազգի ֆուտբոլիստ, աշխարհի և եվրոպայի չեմպիոն Յուրի Ջորկաեֆի հետ հանդիպումով։ Նա ասաց, որ ոգեշնչված է հայկական հեղափոխությամբ ու պատրաստ է լրջորեն աջակցել Հայաստանին և հայկական ֆուտբոլին»,-գրել է վարչապետը:
Հետևեք մեզ Viber-ում
