«Փաստինֆո»-ի տեղեկություններով՝ ՀՀ ՊՆ նախկին փոխնախարար Ալիկ Միրզաբեկյանի և «Ավտոմատիկա» ընկերության միջև տարիներ շարունակ պայմանագիր է կնքվել, սակայն ընկերությունը պայմանագրային պարտավորություններն այդպես էլ պատշաճ չի կատարել:
Պարզվել է, որ դեռևս 2007թ. Պաշտպանության նախարարությունը, ի դեմս պատվիրատուի ներկայացուցիչ ՀՀ ՊՆ փոխնախարար Ալիկ Միրզաբեկյանի և «Ավտոմատիկա» ՓԲԸ-ի, ի դեմս ընկերության տնօրեն Զավեն Թումանյանի միջև պայմանագիր է կնքվել:
Մասնավորապես, 60 միավոր ՕՍԱ-ԱԿ բլոկների վերանորոգելու նպատակով որպես կանխավճար ՊՆ-ի կողմից ընկերության հաշվին փոխանցվել է 12.000.000 ՀՀ դրամ, սակայն նշված պայմանագրի շրջանակներում ընկերությունում պայմանագիրը չի գրանցվել, զիններկայացուցիչը չի ծանուցվել, պատվեր չի բացվել և աշխատանքներ չեն կատարվել:
Միևնույն ժամանակ ձևավորվել է հանձնաժողով և կազմվել է հանձնման-ընդունման արձանագրություն, որ կատարված աշխատանքները ընդունվել են, և պատվիրատու ՊՆ փոխնախարար Ա.Միրզաբեկյանը հաստատել է, ինչից հետո էլ ընկերությանն է փոխանցվել պայմանագրով նախատեսված գումարի մնացած մասը՝ 12.000.000 ՀՀ դրամը:
Սակայն պարզվում է, որ ընդհանուր 24.000.000 ՀՀ դրամը, որը փոխանցվել է ընկերությանը, ծախսվել է ոչ նպատակային, այլև՝ ընկերության այլ կարիքների համար:
Բացի նշվածը, Պաշտպանության փոխնախարար Ա.Միրզաբեկյանի և «Ավտոմատիկա ընկերության տնօրեն Զ.Թումանյանի միջև ևս մեկ պայմանագիր է կնքվել՝ Պ-18 ՌԼԿ-ի ընդունիչ կայանի պատրաստման նպատակով:
Այս անգամ պայմանագրային գումարը կազմել է 35.000.000 ՀՀ դրամ, սակայն որպես կանխավճար ՊՆ-ի կողմից ընկերության հաշվին փոխանցվել է 17.500.000 ՀՀ դրամ:
Սահմանված ժամկետում ընկերությունը չի հասցրել կատարել խոստումը և ՊՆ պայմանագրով նախատեսված մնացած գումարը չի փոխանցվել ընկերությանը:
Շուրջ մեկ տարի անց նոր պայմանագիր է կնքվել այս անգամ ընկերության նոր տնօրենի հետ, ով ստանձնել է կատարել պայմանագրային պարտավորությունները, իսկ կատարված աշխատանքների դիմաց պայմանագրային գումարը կազմել է 85.000.000 ՀՀ դրամ ներառյալ նախորդ պայմանագրով չփոխանցված գումարը:
Սակայն այս դեպքում էլ ընկերությունը պարտավորությունները չի կատարել:
Փաստինֆոյի տեղեկություններով՝ փաստի առթիվ հարուցվել է քրեական գործ՝ ՀՀ քրեական օրենսգրքի 376 հոդվածի 1-ին մասով:
Հուլիսի 7-ին՝ ժամը 15։30-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 7-ին՝ ժամը 15։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հուլիսի 7-ին՝ ժամը 13։00-ին, Հայելի ակումբի հյուրն է ՀՃՇ անդամ Ռուզաննա Ստեփանյանը
Հուլիսի 7-ին՝ ժամը 12։00-ին, Հայելի ակումբի հյուրն է «Ժառանգություն» կուսակցության հիմնադիր, նորանկախ Հայաստանի Հանրապետության առաջին արտգործնախարար Րաֆֆի Հովհաննիսյանը
Հուլիսի 7-ին՝ ժամը 11։00-ին, Հայելի ակումբի հյուրն է քաղաքագետ Սուրեն Սուրենյանցը
Հուլիսի 6-ին՝ ժամը 15։00-ին, Հայելի ակումբի հյուրն է Սարե Սոսեն
Հուլիսի 6-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հուլիսի 6-ին՝ ժամը 12։30-ին, Հայելի ակումբի հյուրն է Նաիրա Զոհրաբյանը
Հուլիսի 6-ին՝ ժամը 11։00-ին, Հայելի ակումբի հյուրն է Հայկ Նահապետյանը
Հուլիսի 3-ին՝ ժամը 14։00-ին, Հայելի ակումբի հյուրն է Հայկ Նահապետյանը
Հետևեք մեզ Viber-ում
