Դավիթ Պետրոսյանը նկատողություն արեց Արմեն Սարգսյանին

«Անվտանգություն և արտաքին քաղաքականություն. ՄԱՀՀԻ 3-րդ երիտասարդական ֆորում»-ի ժամանակ, «ԵՊՀ ռեստարտ» նախաձեռնության անդամ Դավիթ Պետրոսյանը նկատողություն է արել ՀՀ նախագահ Արմեն Սարգսյանին: «Նայում եմ այսօրվա միջոցառման օրակարգը. Դուք ձեր ելույթը պետք է սկսեիք 10:15-ին, ու այն պետք է ավարտվեր 10:40-ին: Հարցուպատասխանը պետք է լիներ 10:40-ից 11:00: Արդեն 11:45 է, Դուք շարունակում եք հարցերին պատասխանել: Այո, նիստը վարողներին բարդ է ՀՀ նախագահին ասել՝ ժամանակը սպառվել է, բայց եթե ուզում ենք ունենալ նոր Հայաստան, օրենքը պետք է հավասար լինի բոլորի համար»,- ասել է ուսանողը: «Ներողություն, որ ուշացել էի, պարզապես հեռախոսազանգեր ունեի անելու, դրա համար ուշացա: Համաձայն եմ Ձեզ հետ:»,- պատասխանել է Արմեն Սարգսյանը: