Նախորդ երեք նախագահների մեղքով է Նախիջևանը դուրս մնացել աշխարհաքաղաքական քննարկումներից. Ալեքսանդր Մանասյան (video)
«Նիկոլ Փաշինյանի հայտարարությունից հետո, թե չի պատրաստվում Արցախի ներկայացուցիչների փոխարեն բանակցել, Ղարաբաղի և Նախիջևանի հարցը թևակոխել է նոր փուլ»,- այս մասին լրագրողների հետ հանդիպմանն ասաց քաղաքագետ Ալեքսանդր Մանասյանը: Ըստ Մանասյանի՝ այս հայտարարությունից հետո այնքան էլ պարզ չէ, թե ինչ իմաստով են մասնակցելու բանակցությունների. «Եթե խնդիրը դրված է այսպես, եթե նոր իշխանությունները ասում են՝ Ղարաբաղի ներկայացուցիչների փոխարեն չեն նստելու բանակցությունների սեղանի շուրջ, նշանակում է, որ բանակցություններին ՀՀ-ն ինքն իրեն է ներկայացնելու, այստեղ էլ այն վտանգը կա, որ ՀՀ-ն դառնում է Ղարաբաղյան հակամարտության կողմ, մի բան, որը Բաքվի նպատակն է: Նախորդ իշխանություններն ասում էին, որ բանակցությունների սեղանի շուրջ նստում են Արցախի փոխարեն»: Ալեքսանդր Մանասյանը զգուշացրեց, որ նոր իշխանությունները հազար անգամ պետք է կշռեն նոր բանաձևերը, որոնցով մտնում են Ղարաբաղյան գործընթացների մեջ, քանի որ դրանք կարող են օգտագործվել բոլորովին այլ իմաստներով մեր հակառակորդի կողմից: Մանրամասները՝ տեսանյութում.
Հետևեք մեզ Viber-ում
