Ռոբերտ Քոչարյանը Հայաստանում չէ, սակայն «Մարտի 1-ի» գործով հարցաքննության համար ծանուցվել է. ՀՔԾ

Tert.am-ը գրում է. «Մարտի 1-ի» գործով Հատուկ քննչական ծառայությունը նոր բացահայտումներ է արել քրեական գործի շրջանակներում որպես վկա հարցաքննության է կանչվել ՀՀ երկրորդ նախագահ Ռոբերտ Քոչարյանը, ով 2008 թ-ի մարտի 1-ին ՀՀ նախագահն էր։ Ռոբերտ Քոչարյանի գրասենյակից հայտնել են, որ ծանուցումը ստացել են: Այս մասին Tert.am-ի հարցին, թե ի վերջո ծանուցվե՞լ է ՀՀ երկրորդ նախագահը, և արդյոք գտնվում է Հայաստանում, ՀՔԾ մամուլի քարտուղար Մարինա Օհանջանյանն ասաց. «Ռոբերտ Քոչարյանը ծանուցվել է, պատշաճ կարգով վարույթն իրականացնող մարմնին նաև տեղեկացրել են, որ մինչև հուլիսի 25-ը նա Հայաստանում չի լինելու»: