Տեղի է ունեցել հարձակում եկեղեցու վրա. Ս.Էջմիածնի դիվանապետ
Մենք անժամկետ մնալու ենք այստեղ, մինչև Գարեգին Բ-ն հրաժարական տա, և Ազգային անվտանգության ծառայությունը տանի նրան, որովհետև նա ազգային արժեք է վաճառել: Այս մասին այսօր՝ հուլիսի 6-ին, հայտարարել են Մայր Աթոռի դիվանատուն ներխուժած «Նոր Հայաստան, նոր հայրապետ» նախաձեռնության անդամները: Նրանք պահանջել են իրենց ցույց տալ գանձատանը պահվող սուրբ մասունքները, մասնավորապես, եզակի մասունք համարվող Սուրբ Գեղարդը: Ցուցարարնեի համոզմամբ, այն վաճառվել է: Մայր Աթոռ Ս. Էջմիածնի դիվանապետ Տ. Արշակ եպիսկոպոս Խաչատրյանն էլ հայտարարեց, որ Դիվանատանը տեղի ունեցածը գնահատում են որպես հարձակում եկեղեցու վրա։ «Դիվանատունը գրավված է, և մենք ստիպված ենք դադարեցնել մեր աշխատանքները։ Այս քայլը գնահատում եմ որպես հալածանք ազգային եկեղեցու նկատմամբ։ Հուսով եմ իրավապահ մարմիններն անհրաժեշտ հետևությունները կանեն, որպեսզի ազգային եկեղեցին զերծ պահեն իրականացվող հալածանքից», - ասաց Տ. Արշակ եպիսկոպոս Խաչատրյանը։
Հետևեք մեզ Viber-ում
