Չեմ կարծում, որ լուծման գործընթացը տարիներ կտևի.Արծրուն Հովհաննիսյան
«Սպաների բնակարանային խնդրի համար միջանկյալ լուծում է գտնվելու: Կանխատեսելի եմ համարում զորացրված կամ զորացրվող սպաների անհանգստությունը բնակարանների հետ կապված: Հարցն իմ ուշադրության կենտրոնում է շուրջ 1 տարի՝ սկսած այն պահից, երբ ՊՆ-ում սկսեց քննարկվել հիպոթեքով նոր սպաներին բնակարան հատկացնելու հարցը: Հարցը գտնվում է պաշտպանության նախարարի և նրա զեկույցից հետո՝ արդեն ՀՀ Կառավարության ուշադրության կենտրոնում: Իմ ունեցած նախնական տեղեկության համաձայն՝ ի սկզբանե առաջարկված մոդելը, որով մատչելի հիպոթեքային վարկերից բացի այլ լուծում չէր առաջարկվում, այդպես չի մնալու: Գտնվելու են այլ լուծումներ:Քանի որ հարցը ներկայում քննվում է Կառավարությունում, հստակ չեմ կարող ասել, թե որոնք կլինեն լուծման ձևերը»,- «Ազատություն» ռադիոկայանի «Ֆեյսբուքյան ասուլիս»-ում հայտնեց ՀՀ պաշտպանության նախարարության մամուլի խոսնակ Արծրուն Հովհաննիսյանը : Նա վստահեցրեց՝ առաջիկայում կունենանք միջանկյալ լուծում: Երկրի ռազմաքաղաքական ղեկավարությունն այդ հարցն իր ուշադրության կենտրոնում է պահում: Չեմ կարծում, որ լուծման գործընթացը տարիներ կտևի,հավելեց նա:
Հետևեք մեզ Viber-ում
