Այս տոնը դեռ չի մտել մեր բնակարաններ.Հրայր Թովմասյան
«Այս տոնը իր կարեւորությամբ զիջում է միայն ՀՀ անկախության տոնին, սակայն այն դեռ չի մտել մեր բնակարաններ: Շատերը կարեւորություն չեն տալիս: Այս տոնը խորհրդանշում է հայրենիքի անկախությունն ու ազատությունը»,- Սահմանադրական դատարանում Սահմանադրության օրվա միջոցառման ժամանակ իր ելույթում հայտարարեց ՍԴ նախագահ Հրայր Թովմասյանը : «Մեր Սահմանադրությունը երաշխավորում է մեր ինքնաիշխանության գերակայությունը: Սահմանադրությունն է պատասխանում այն հարցին, թե տվյալ երկրի ժողովուրդը ինչպիսի ինքնություն է ցանկանում ունենալ: Շնորհակալություն եմ ուզում հայտնել այն մարդկանց, ովքեր ջանք ու եռանդ ներդրեցին այս փաստն արձանագրելու համար: Ցավով եմ արձանագրում այն փաստը, որ շատերն ուշադրություն չեն դարձնում այս տոնին»,- ասաց նա և ընդգծեց, որ Սահմանադրությունը երաշխավորն է ՀՀ ինքնիշխանության, ժողովրդավարական ու իրավական պետություն լինելու, մարդու՝ բարձրագույն արժեքը լինելու անքակտելիության: «Մեր պետականության կայացման ցանկացած փուլում, ցանկացած իրավիճակում միայն սահմանադրականության ապահովումն է երաշխիքը՝ կայունության ու զարգացման: Ոչ ոք, ոչ մի նպատակ, ոչ մի արժեք չի կարող վեր լիներ սահմանադրականության պահպանումից»,- եզրափակեց Հրայր Թովմասյանը:
Հետևեք մեզ Viber-ում
