«Իմացել են, թույլատրել են ու ստացել իրենց բաժինները». Արտյուշ Գրիգորյան

«Ջավախք» հիմնադրամի նախագահ Արտյուշ Գրիգորյանը Ֆեյսբուքի իր էջում գրել է. Դժվար է առանց էմոցիայի հետևել կոռուպցիոն սկանդալների բացահայտումներին։ Տզրուկի նման ծծել են պետության արյունը։ Մի՞թե նախկինում չեն իմացել։ Իմացել են, թույլատրել են ու ստացել իրենց բաժինները։ Մարդիկ կան ասում են՝ այ մարդ, էդ 7 միլիոն կամ 3 միլիոն դոլարով արտաքին պարտք չես փակի, լուրջ բանով զբաղվեք։ Այսինք ինչ, հարգելի իմբեցիլներ, թողնենք թող կոռուպցիան խեղդի պրծնենք։ Ուրեմն, 7 միլիոն դոլար նշանակում է, որ մոտ 6 հազար պետական ծառայող կարող էր մեկ տարի շարունակ 100 դոլար ավել աշխատավարձ ստանալ։ Հիմա մտածեք, վերջին 20 տարվա ընթացքում քանի 7 միլիոններ են անհետացել ու ինչպիսին կարող էր լինել մեր երկրի վիճակը, այդ թվում և արտաքին պարտքի կառուցվածքը, եթե այդպես չլիներ։ Դրսից եկած մարդիկ ապշում են, թե կիսապատերազմական վիճակի մեջ գտնվող երկրի պաշտոնյաներն ինչպես են իրենց թույլ տվել նման դղյակներ կառուցել ու ցոփ ու շվայտ կյանքով ապրել։ Իսկ ինչ որ մի ժամանակ Հովհաննես Քաջազնունին վաճառել էր իր վերարկուն ու գումարը նվիրաբերել որբերին․․․