Սեր և համերաշխությո՞ւն, թե՞ ֆաշիզմ
Վախճանվել է հայտնի երգչուհի Նադեժդա Սարգսյանը: Նրա երկրպագուները սգում են, հնչում են ցավակցության ու մխիթարանքի խոսքեր: Այս ամենը բնական է, քանի որ խիստ մարդկային է: Բայց մարդկային է նրանց համար, ովքեր ունեն մարդկային նկարագիր: Իսկ մյուսների համար այս ցավալի դեպքը սեփական էությունը բացահայտելու ևս մի հնարավորություն է: Այդ պատճառով էլ նման հնարավորությունը ձեռքից բաց թողնել չէր կարող Ֆեյսբուքի օգտատեր, «Քաղաքացիական պայմանագիր» կուսակցության անդամ Վազգեն Մանուկյանը: Սա իր էջում բառացի հետևյալը գրեց. «Մահացել է Նադեժդա Սարգսյանը: Մի Սարգսյանն էլ հեռացավ ու բոլոր Սարգսյանները պիտի հեռանան»:
Սրա մասին ընդամենը մեկ գնահատական կարելի է հնչեցնել՝ անասնական ցինիզմ: Բայց հազիվ թե կարողանանք բավարարվել այդքանով: Բանն այն է, որ Նիկոլ Փաշինյանի կուսակցական ընկեր Վազգենը երազում է բոլոր Սարգսյանների մահը, քանի որ ի սկզբանե նրան ներարկվել է այդ ֆաշիստական մտայնությունը, այդ հեղափոխական ախտը, համաձայն որի՝ ոչնչացումը, կործանումը, փլուզումը, մարդկանց ֆիզիկական լիկվիդացիան կարող են ապահովել այն հաղթանակը, որը գալիս է «Սեր և համերաշխություն» կարգախոսով:
Հիմա այս պատմության մեջ որտե՞ղ էր սերը և որտե՞ղ էր համերաշխությունը: Թե՞ արդեն դրանք էլ եք սպանել:
Մեր մեջ ասած՝ Նիկոլի կուսակցից այլ բան սպասել չէր էլ լինի։
shame.am
Հետևեք մեզ Viber-ում
