Արթուր Ավագյանը լքեց «Գանձասար-Կապան»-ը

«Գանձասար-Կապան» ֆուտբոլային ակումբը երկկողմ համաձայնությամբ խզել է պայմանագիրը թիմի 27-ամյա եզրային պաշտպան Արթուր Ավագյանի հետ, տեղեկացնում է ակումբի ֆեյսբուքյան պաշտոնական էջը: Վերջինս ցանկություն է հայտնել հանդես գալ այլ ակումբում: «Գանձասար-Կապանի» ղեկավարությունը շնորհակալություն է հայտնել Արթուր Ավագյանից ցուցաբերած ջանքերի ու դրսևորած նվիրվածության համար և հաջողություններ մաղթել կարիերայի հետագա ընթացքում: Արթուր Ավագյանը կարիերան կշարունակի «Ալաշկերտ»-ում: Հավելենք, որ 27-ամյա ֆուտբոլիստը այս մրցաշրջանում «Գանձասար-Կապան»-ի կազմում մասնակցել է 13 հանդիպման: