Խաչատուր Սուքիասյանը կգնի՞ «Արմնյուզի» բաժնետոմսերը

Գործարար Խաչատուր Սուքիասյանը չի պատրաստվում գնել «Արմնյուզ» հեռուստաընկերության բաժնետոմսերը: Մամուլում շրջանառվող լուրերը Factor.am-ի հետ զրույցում հերքել է գործարարի մամուլի խոսնակ Աննա Մկրտչյանը. «Խաչատուր Սուքիասյանը «Պանարմենիան» մեդիա հոլդինգի կազմի մեջ մտնող «Արմնյուզ» հեռուստաընկերության բաժնետոմսերի վաճառքի մասին ոչինչ չգիտի, նա տեղյակ չէ, որ նման բան կա, անհասկանալի է՝ որտեղից է ենթադրությունը, թե ցանկանում է ՀԸ-ի բաժնետոմսերը գնել,  իսկ ինչ վերաբերում է սպասվող արտահերթ ընտրություններին նրա մասնակցությանը կամ մասնակցության ձևաչափին, ապա պետք է նշեմ, որ դեռ այդ հարցով որևէ քննարկում չի եղել»,- նշել է խոսնակը: Հիշեցնենք, որ մամուլում լուրեր էին տարածվել, թե «Պանարմենիան» մեդիա հոլդինգի կազմի մեջ մտնող «Արմնյուզ» հեռուստաընկերության տնօրինությունը որոշել է վաճառել բաժնետոմսերը, իսկ  գործարար Խաչատուր Սուքիասյանն էլ հետաքրքրված է դրանք գնելով։