Վարչապետ. պետք է պատրաստ լինեն իրադարձությունների զարգացման ցանկացած սցենարի
«Մեր հետագա որոշումները պետք է հիմնված լինեն փաստերի վրա, անհերքելի փաստերի վրա և մենք այդ փաստերի հավաքագրման ճանապարհին ահագին առաջ ենք գնացել և վերջնական եզրակացությունը կլինի»: Այս մասին այսօր` հուլիսի 1-ին, լրագրողներին ասել է վարչապետ Նիկոլ Փաշինյանը` անդրադառնալով Ամուլսարի խնդրին: Հարցին, թե ընկերությունն ասում է՝ վնասներ են կրում և պատրաստվում են դատական կարգով լուծել խնդիրը, Փաշինյանն արձագանքեց. «Դա ցանկացածի որոշումն է»: Այնուհետև անդրադառնալով Զինված ուժերի մարտունակությանը՝ ասել է, որ պետք է պատրաստ լինեն իրադարձությունների զարգացման ցանկացած սցենարի: «Արդեն ասել ենք, որ կուտակումներ կան, գիտեք, որ զորավարժություններ են տեղի ունենալու, իրենց հայտարարություններով՝ լայնամասշտաբ զորավարժություններ: Կարծում եմ՝ մեր Զինված ուժերը պետք է պատրաստ լինեն իրադարձությունների զարգացման ցանկացած սցենարի, և իմ հրամանը հենց դա է եղել»,- նշել է վարչապետը:
Հետևեք մեզ Viber-ում
