16 քաղբանտարկյալի դիմաց 29 մլն. դրամի չափով գրավ.սա անմարդկային քայլ է քաղբանտարկյալների նկատմամբ. Սյուզան Սիմոնյան («Հիմնադիր խորհրդարանի» մամուլի պատասխանատու) (video)

Այսօր Հայելի ակումբում լրագրողների հետ հանդիպմանը «Հիմնադիր խորհրդարանի» մամուլի պատասխանատու Սյուզան Սիմոնյանը ասաց, որ Հիմնադիր Խորհրդարանը հունիսի 17-ից քաղբանտարկյալների համար սկսել է դրամահավաք. «Դրամահավաքը սկսեցինք, քանի որ հայտնվել էինք աննախադեպ իրավիճակում: Քաղբանտարկյալների խափանման միջոցը փոխելու համար գումարի աննախադեպ չափ են սահմանել, որը նախկին իշխանություններից մնացած հալածանք է Սասնա Ծռերի և Հիմնադիր խորհրդարանի անդամների նկատմամբ»: Ներկայացնելով թվերը՝ Սյուզան Սիմոնյանը նշեց, որ այս պահի դրությամբ քաղբանտարկյալների համար վճարվել է 29 մլն. դրամի չափով գրավ. «Մինչ այս 16 հոգու համար վճարել ենք 65 հազար դոլար: Ինչու՞ եմ ասում՝ սա հալածանք է քաղբանտարկյալի նկատմամբ, որովհետև երկու տարի այդ մարդիկ չեն աշխատել, նրանց ընտանիքները գտնվում են ծայրահեղ ծանր վիճակում և այդքանով հանդեձ այդքան մեծ գումարներ նշանակն անմարդկային է»: Մանրամասները՝ տեսանյութում.