Ռուսաստանի հերթական արգելքը

Ռոսսելխոզնադզորը Թուրքիայում աճեցրած պղպեղի եւ նուռի՝ Ռուսաստան ներկրման ժամանակավոր արգելք է սահմանել, այդ թվում՝ երրորդ երկրից: Այս մասին նշված է գերատեսչության կայքում մարտի 16-ին հրապարակված հաղորդագրությունում: Արգելքն ուժի մեջ է մտնում մարտի 17-ից: Ռոսսելխոզնադզորն ընդգծել է, որ սահմանափակումը կապված է «Թուրքիայից կանոնավոր կերպով կարանտինի մեջ գտնվող արտադրանքի մատակարարման հետ, որոնք վարակված են Ռուսաստանի համար կարանտինային օբյեկտներով»: Միաժամանակ, մինչեւ մարտի 17-ը ներկրված նուռն ու պղպեղը հսկողություն կանցնեն: Lenta-ն հիշեցնում է, որ մարտի 3-ին Ռոսսելխոզնադզորի ղեկավար Սերգեյ Դանկվերտը հայտարարել էր, որ գերատեսչությունը բոլոր հիմքերն ունի Ռուսաստան թուրքական պղպեղի ներկրումն արգելելու համար: