Սկանդալ Երևանի դատաբժշկական գիտագործնական կենտրոնում. անհարգանքի են ենթարկել դիակը. նկարահանել են դիահերձումը և այն տարածել համացանցում
SHAMSHYAN.com-ի տեղեկություններով՝ ոստիկանության կենտրոնական բաժնի հետաքննչական բաժանմունքում նյութեր են նախապատրաստվում Երևանի բնակիչ, 71-ամյա Շավարշ Գևորգյանի դիմումի փաստով: Ինչպես հայտնում է ֆոտոլրագրող Գագիկ Շամշյանը, վերջինս ոստիկաններին հայտնել է, որ ամիսներ առաջ ՀՀ առողջապահության նախարարության դատաբժշկական գիտագործնական կենտրոնի դիահերձարանի սանիտար Ն.-ն կանգնել է դիահերձարանի սեղանի վրա ու կատարել է դիահերձում: Նրան այդ պահին տեսանկարահանել է դիահերձարանի սանիտար Վ. Մ.-ն որից հետո տեսանյութը տրամադրել է կենտրոնի աշխատակից Նունե Մ.-ին: Շ. Գևորգյանը հայտնել է նաև, որ Նունե Մ.-ն տեսանյութը տարածել է համացանցում և այդ կերպ անհարգանքի է ենթարկել դիակը: Ֆոտոլրագրողի տեղեկություններով՝ ոստիկանությունում արդեն ունեն տեսանյութը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հետևեք մեզ Viber-ում
