«Աստղիկ» բժշկական կենտրոնում խնդիրներ կան.ՊԵԿ փոխնախագահ (video)
«Պետական եկամուտների կոմիտեն որևիցե կազմակերպության արտոնություն չի տրամադրել :ՊԵԿ-ը որևիցե կազմակերպության հետ հարկերի պակաս հաշվարկման առումով պայմանավորվածություններ ձեռք չի բերել, մենք չենք իրականացրել վարչարարություն այն տնտեսվարող սուբյեկտների մոտ, ովքեր մեկ տարածքում գործել են երկու և ավելի կազմակերպիչների կողմից», - կառավարության նիստից հետո լրագրողներին ասաց ՊԵԿ փոխնախագահ Ռաֆիկ Մաշադյանը:
Կան շատ բուժհաստատություններ, որոնք չգրանցված աշխատողներ են պահում, այս դեպքով ՊԵԿ-ը հետևողական ինչ քայլեր է անում, հարց ուղղեցին լրագրողները:ՊԵԿ փոխնախագահն ասաց, որ իրենց գործառույթների մեջ է մտնում ամենօրյա պայքարը՝ չգրանցված աշխատողներին գրանցելու:
«Դա մեր ցավոտ կողմերից մեկն է, շարունակական այս ուղղությամբ աշխատանքներ ենք իրականացնում», - ասաց նա:
Ինչ վերաբերում է «Աստղիկ» բժշկական կենտրոնին, Ռաֆիկ Մաշադյանն ասաց, որ այնտեղ խնդիրներ կան:
«Կան ոլորտներ, որտեղ թերհայտագրում են իրական աշխատավարձի մեծությունները և այդ մասով են նաև անընդհատ աշխատանքներ իրականացվում, դրա արդյունքում «Աստղիկ» ԲԿ-ի կողմից օրեր առաջ ներկայացվել է ճշգրտված հաշվարկ, որ արդյունքում շուրջ 38 միլիոն դրամ լրացուցիչ եկատմային հարկ է հաշվարկվել», - նշեց ՊԵԿ փոխնախագահը:
Հետևեք մեզ Viber-ում
