Հուլիսի 2-6-ը Ադրբեջանում 20 հազար զինծառայողների ներգրավմամբ զորավարժություն կանցկացվի
Հուլիսի 2-6-ը Ադրբեջանի Զինված ուժերը 20 հազար զինծառայողների ներգրավմամբ զորավարժություն կանցկացնեն, տեղեկացնում է Ադրբեջանի Պաշտպանության նախարարությունը: «Զորավարժություններում կներգրավվի 20 հազար զինծառայող, մինչև 120 միավոր տանկ ու այլ զրահատեխնիկա, ավելի քան 200 տարբեր տրամաչափի հրթիռահրետանային կայանքներ, համազարկային կրակի ռեակտիվ համակարգեր ու ականանետեր, ինչպես նաև օդուժից մինչև 30 միավոր: Զորավարժությունների ընթացքում կխաղարկվեն ռազմական գործողությունների վարման տարբեր սցենարներ, այդ թվում` պայմանական հակառակորդին հրթիռահրետանային հարվածներ հասցնելու, ավիացիայի ու անօդաչուների կիրառման վերաբերյալ: Կխարկվի նաև լայնամասշտաբ հարձակվողական գործողություն: Զորավարժությունների ընթացքում կկիրառվի նաև մարտական կրակ:
Հետևեք մեզ Viber-ում
