Ինչ «սեյֆ» են հայտնաբերել Սերժի Վաչոյի ակումբում

ՀՀ երրորդ նախագահ Սերժ Սարգսյանի թիկնազորի նախկին պետ Վաչագան Ղազարյանը հունիսի 25-ին բերման ենթարկվեց Երևանի Չարենցի փողոցի 12 հասցեում գտնվող «Յունիբանկ» ՓԲԸ-մուտքի մոտից և տարվեց Ազգային անվտանգության ծառայություն (ԱԱԾ)։ Այնտեղ նա ներկայացրել է իր ձեռքին առկա պայուսակի պարունակությունը՝ 120 հազար ԱՄՆ դոլար, ինչպես նաև 436 միլիոն դրամ՝ իր անվամբ գրանցված ավանդային հաշվեհամարից , հայտնում է ԱԱԾ֊ի կայքը։ Բացի դա, Ղազարյանի «Լեքսուս» մակնիշի մեքենայում հայտնաբերվել է 50 հազար ԱՄՆ դոլար: Հիշեցնենք, որ դրանից մի քանի օր առաջ էլ ԱԱԾ-ն խուզարկություն կատարեց Վաչոյին պատկանող «Յանս» ակումբում, մեր տեղեկություններով ակումբում իրավապահները հայտնաբերել են «սեյֆ», որը չեն կարողացել բացել եւ Վաչոյին ձերբակալել են այն պատճառով, որպեսզի հնարավոր լինի բացել այդ չհրկիզվող պահարանը, որտեղ կարող են նաեւ արժեքավոր փաստաթղթեր լինեն։