Պետք է պաշտպանեմ թե՛ Փաշինյանի կառավարության, թե՛ Փաշինյանի և թե՛ ՀՀ շահերը. Շարմազանով

«Մենք՝ որպես ընդդիմություն, այն կարծիքին չենք, որ պետք է գնանք ու մեր երկրի քաղաքական խնդիրները բարձրաձայնենք այլ երկրների պատգամավորների առջև : Չերչիլն ասում էր. «Ես անխնա քննադատում եմ իր երկրի կառավարությանը իմ երկրի ներսում, բայց ինձ երբեք շռայլություն թույլ չեմ տա, որպեսզի իմ երկրի կառավարությանը քննադատեմ իմ երկրի սահմաններից դուրս»։ Իմ երկրի կառավարությունն իմ երկրի կառավարությունն է։ Փաշինյանի կառավարությանը ես կարող է այստեղ քննադատեմ, բայց Փաշինյանն իմ երկրի վարչապետն է, և ես պետք է պաշտպանեմ թե՛ Փաշինյանի կառավարության, թե՛ Փաշինյանի և թե՛ ՀՀ շահերը», -լրագրողների հետ զրույցում ասաց ՀՀ ԱԺ փոխնախագահ Էդուարդ Շարմազանովը՝ պատասխանելով հարցին, թե արդյոք Ալբանիայում անցկացված ՍԾՏՀ խորհրդարանական վեհաժողովի շրջանակում անդրադարձ կատարվել է ՀՀ ներքաղաքական կյանքին։ «Նախևառաջ ընտրվել եմ  ՀՀ ԱԺ պատգամավոր, որպեսզի պաշտպանի պետական շահը: Բոլորը միջազգային հարթակներում անխտիր պետք է այնդպես վարվեն։Պետք է ստորադասենք մեր քաղաքական կուսակցական շահը։ Կուսակցական գործունեության համար կա ներքաղաքական պայքարի տեղ ու մեթոդներ, բայց ոչ երբեք միջազգային վեհաժողովներ», - հավելեց նա։