Ռեյտինգային ընտրակարգի վերաբերյալ երկու տարբերակ է շրջանառվում. Առաջին փոխվարչապետ (տեսանյութ)
Հայաստանի առաջին փոխվարչապետ Արարատ Միրզոյանը կարծում է, որ երկրում արտահերթ խորհրդարանական ընտրություններ անցկացնելու շուրջ կա քաղաքական կոնսենսուս։«Ես կարծում եմ, որ Հայաստանում կա քաղաքական կոնսենսուս՝ արտահերթ խորհրդարանական ընտրություններ անցկացնելու շուրջ», - այսօր կառավարությունում տեղի ունեցած ճեպազրույցում հայտարարեց Արարատ Միրզոյանը։ Նրա խոսքով՝ արտահերթ ընտրությունները կանցկացվեն մեկ տարվա ընթացքում, ինչպես նշված է կառավարության գործունեության ծրագրում։ Միրզոյանը նշեց՝ ռեյտինգային ընտրակարգի վերաբերյալ հանձնաժողովում քննարկում չի եղել. «Ընդհանուր առմամբ քննարկումների շրջանակում երկու մոտեցում է շրջանառվում. ունենալ ամբողջովին մաքուր համամասնական ընտրակարգ, և ունենալ խառը ընտրական համակարգ, որը համամասնականն է, բայց ողջ երկիրը մեկ ընտրատեղամասի տրամաբանությամբ ռեյտինգայինով, այսինքն երբ որ մի համամասնական ցուցակ է, բայց քաղաքացին կարող է այդ ցուցակում վերադասավորումներ անել իր քվեով»:
Հետևեք մեզ Viber-ում
