ՓՄՁ համար նոր ՀԴՄ-ները բավականին էժան կլինեն. Գագիկ Խաչատրյան

Այսօր ԱԺ նիստում կառավարության հարցուպատասխանի ժամանակ ՀԱԿ խմբակցության քարտուղար Արամ Մանուկյանը գործադիրի անդամներին փոխանցեց սոցիալական ցանցերում տիրող անհանգստությունը, որ մինչև մայիսի 1-ը փոքր ձեռնարկությունները և խանութները պետք է լազերային սկաներներ տեղադրեն, որը բավականին թանկ արժե:Արամ Մանուկյանն ասաց, որ ՓՄՁ ներկայացուցիչների մոտ խուճապ է, որ մայիսի մեկից պետք է արդեն ներդնեն լազերային գինը որոշող սկաներներ, նա պարզաբանում պահանջեց կառավարությունից:Գագիկ Խաչատրյանն ասաց, որ հսկիչ դրամարկղային մեքենաների մասին է խոսքը, դա ձեռնարկված էլեկտրոնային համակարգի մոդուլներից մեկն է հանդիսանում: ՀՀ ֆինանսների նախարար Գագիկ Խաչատրյանը պատասխանեց, որ հսկիչ դրամարկղային մեքենաների մասին է խոսքը: Նա նաև ասաց, որ դա բոլոր տեսակի շրջանառությունները ֆիքսող սարք է դա, և, որ տնտեսվարողները միասնական դաշտում պետք է աշխատեն: Նա հայտնեց, որ մայիսի 1-ը կառավարության որոշումամբ հետաձգվել է մինչև 2017 թ. հունվարի 1-ը, իսկ սարքի արժեքի հետ կապված ներկայումս բանկացում են: Գագիկ Խաչատրյանը հիշեցրեց, որ կառավարությունը բացառիկ որոշում էր ընդունել և ՀԴՄ-ները շատ դեպքերում զեղչով կամ անհատույց տրվեցին փոքր ձեռնարկություններին, այժմ քննարկվում է, որ շարունակվի այդ գործընթացը: «Գործընթացը պետք է շարունակվի, որպեսզի մեկ ընդհանուր միասնական ցանցում դրանք աշխատեն: Մայիսի մեկը կառավարության որոշմամբ հետաձգվել է 2017 թվականի հունվարի մեկը: Արժեքի հետ կապված ներկայումս գնում են բանակցություններ, որ հնարավոր գնային առաջարկներ մենք ստանանք, ինչի համար, որովհետև հնարավոր չեղավ ձեռք բերել այն ՀԴՄ-ները՝ ֆինանսական ռեսուրսների սղության պատճառով: Բայց դրանք պարտադիր են գործընթացը ավարտին հասցնելու համար»,- ասաց Գագիկ Խաչատրյանը: Նա նշեց, որ կառավարությունը նախկինում էլ զեղչեր արեց ՓՄՁ համար, անգամ անվճար տրամադրեց նոր ՀԴՄ-ները: Այդ քաղաքականությունը, նրա խոսքով, շարունակական կլինի:Այդուհանդերձ, նախարարը հրապարակեց այդ սարքերի գինը՝ այն անվանելով բավականին էժան. «Ինքը բազմաֆունկցիոնալ սարք է, բավականին էժան է, քանի որ ծրագրային ապահովումը կատարել են ՀՀ ծրագրավորողները Թայվանի հետ համատեղ: Մոտավորապես 760 դոլարի կարգի է արժեքը»,- հայտարարեց նա: