Հենց Նիկոլ Փաշինյանն է խոստացել, որ եթե հրապարակը լցվի, ինքը կգնա, իսկ այսօր հրապարակը լիքն է. Բագրատ Սրբազան
Նիկոլ Փաշինյանն է խոստացել, որ եթե հրապարակը լցվի, ինքը կգնա, իսկ այսօր հրապարակը լիքն է: Այս մասին այսօր՝ մայիսի 9-ին, Հանրապետության հրապարակում կազմակերպված հանրահավաքում հայտարարեց Տավուշի թեմի առաջնորդ Բագրատ Սրբազանը:
«Հիմա էլ կնկարեն, կասեն՝ մի 500 մարդ կար այնտեղ: Այստեղ են մեր բոլոր մարզերից ու շրջաններից:
Սա քաղաքական խոսք չի, սա խորը հոգեւոր ճիչ է, աղաղակ: Ես ուզում որդիական խոնարհությամբ շնորհակալություն հայտնել իմ հորը՝ Գարեգին երկրորդ ամենայն հայոց կաթողիկոսին, ով արգելք չեղավ, որ այս շարժումը հասնի այստեղ, այլ դեռ հայրական սրտի տառապանքով օրհնեց մեզ:
Ուզում եմ հատուկ կերպով մեր ողջույնը հղել Արցախի մեր քույրերին ու եղբայրներին: Ցավով եմ սա ասում, որովհետեւ ձեզ պետք է ողջունեինք Ստեփանակերտի վերածննդի հրապարակում, բայց այսօր այս ապօրինի իշխանության պատճառով դուք հայտնվել եք Մայր Հայաստանում: Հոգ չէ, մեր գրկում եք եւ մենք կոչված ենք ձեր կյանքը դարձնել այնպիսին, որ ոչ մի բան չպակասի ձեր կյանքից:
Մեր սրտերում մնալու է Արցախ վերադառնալու տեսիլքը: Ուզում եմ նաեւ գնահատել ներկ գտնվողն Արցախի մեր բոլոր գործիչներին՝ նախագահին, խորհրդարանի անդամներին, մեր հոգեւոր եղբորը՝ Վրթանես սրբազանին եւ ողջ ժողովրդին»,- ընդգծեց Սրբազանը:
Հետևեք մեզ Viber-ում
