«Արվեստը երեխաների ձեռքերում». տեղի ունեցավ Радуга արվեստի կենտրոնի հաշվետու ցուցահանդեսը
Մայիսի 12-ին, Նկարիչների միությունում, տեղի ունեցավ Радуга արվեստի կենտրոնի հաշվետու ցուցահանդեսը՝ «Արվեստը երեխաների ձեռքերում» խորագրով: Կենտրոնի սաները ներկայացրեցին իրենց աշխատանքները, որոնք ստեղծվել են մեկ տարվա ընթացքում, և նրանց մեջ ներդրվել են մեծ սեր և բազում գույներ:
Սաները ներկայացել էին ոչ միային իրենց նկարներով, այլև իրենց ձեռքի գեղեցիկ աշխատանքներով՝ տարբեր իրերով պատրաստել էին ծաղկամաններ,հետաքրքիր կերպարներ ստեղծել, կավով մրգեր և կենդանիներ պատրաստել:
Բազմազան նկարների շուրջ փայլում էին տարբեր տարիքի հրաշամանուկներ, որոնցից շատերը դառնալու են հրաշալի նկարիչներ:
Радуга արվեստի կենտրոնի տնօրեն Ինեսսա Ստեփանովնան անակնկալ էր պատրաստել այն երեխաների համար, ովքեր մասնակցել էին «Արտ Մյուզիք» Միջազգային Փառատոնի կազմակերպած մրցույթին և զբաղեցրել տարբեր հորիզոնականներ: Ցուցահանդեսի ժամանակ հաղթողները ստացան իրենց պատվոգրերն ու մեդալները:
Հետևեք մեզ Viber-ում
