«Տավուշը՝ հանուն Հայրենիքի» շարժումը, որը համազգային բնույթ է ստանում, մեր տեղեկություններով, լրջորեն անհանգստացրել է իշխանություններին։ Կառավարության մեր աղբյուրի փոխանցմամբ, այս օրերին իշխանությունները գրեթե 24-ժամյա ռեժիմով լուրջ հաշվարկների մեջ են, թե առաջիկայում ի՞նչ զարգացումներ կարող է ունենալ շարժումը, հատկապես մայիսի 8-ի երեկոյան և 9-ին ի՞նչ քանակի մասնակիցներ կլինեն, որքանո՞վ կաշխատի «ձնագնդի էֆեկտը» և այլն։
Ավելին, նրանք շատ լավ հասկանում են, որ ցանկացած պահի փողոցում կարող են տեղի ունենալ շրջադարձային իրադարձություններ, ինչի արդյունքում պարզապես կկորցնեն իշխանությունը, ուստի, փորձում են մոբիլիզացնել հնարավոր բոլոր մեթոդներն ու վարչական ռեսուրսը՝ կանխելու այդ զարգացումները։ Թերթի աղբյուրը հայտնում է, որ, ի թիվս այլ նախապատրաստական աշխատանքների, մասնավորաբար ԿԳՄՍ նախարարությունը շրջաբերական է ուղարկել բոլոր դպրոցների տնօրեններին և հանձնարարել, որ հնարավոր բոլոր տարբերակներով կանխեն աշակերտների մասնակցությունը սպասվող ցույցերին։ Ընդ որում՝ անկախ նրանից՝ դասի ժամ կլինի, թե դասերից հետո կամ հանգստյան օրերին:
Մեր տեղեկություններով, այս օրերին հատկապես Երևանի մի շարք դպրոցների տնօրեններից բարձր դասարանցիների թվերն են ճշտում, որպեսզի կարողանան լիարժեք վերահսկողություն հաստատել՝ ովքեր են եկել դպրոց, ովքեր են բացակա, ինչ պատճառով և այլն: Ի դեպ, առանձին ուշադրության տակ են նաև ընդդիմադիր հայացքներ ունեցող ուսուցիչները, որոնց հետ կապված՝ տնօրեններին հորդորել են առանձնազրույցներ ունենալ և փորձել համոզել՝ հեռու մնալ և չմասնակցել Երևանում սպասվող գործընթացներին։
Հունիսի 5-ին՝ ժամը 14։00-ին, Հայելի ակումբի հյուրն է Սուրեն Սուրենյանցը
Հունիսի 5-ին՝ ժամը 16։00-ին, Հայելի ակումբի հյուրն է Տաթև Արցախցին
Հունիսի 5-ին՝ ժամը 16։30-ին, Հայելի ակումբի հյուրն է Հայկ Այվազյանը
Հունիսի 5-ին՝ ժամը 11։00-ին, Հայելի ակումբի հյուրն է Աննա Մայիլյանը
Հունիսի 5-ին՝ ժամը 13։00-ին, Հայելի ակումբի հյուրն է Հայկ Նահապետյանը
Հունիսի 5-ին՝ ժամը 12։00-ին, Հայելի ակումբի հյուրն է Դավիթ Ջամալյանը
Հունիսի 4-ին՝ ժամը 13։00-ին, Հայելի ակումբի հյուրն է Կարապետ Մինասյանը
Հունիսի 4-ին՝ ժամը 14։00-ին, Հայելի ակումբի հյուրն է Արամ Գասպարի Սարգսյանը
Հունիսի 4-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Հունիսի 4-ին՝ ժամը 11։30-ին, Հայելի ակումբի հյուրն է Աննա Մայիլյանը