Պայքարին միանալը մի նշանաբան ունի, որ իմ ու ձեր երեխաներն իրենց հայրենիքում անվտանգ պայմաններում օրորոցը դնելու տեղ ունենան, մայրերը՝ մայրենի լեզվով օրորոցային երգեն․ եզդիական համայնքի ներկայացուցիչ
Իմ՝ պայքարին միանալը մի նշանաբան ունի, որ իմ երեխան ու ձեր երեխան իր հայրենիքում անվտանգ պայմաններում իր օրորոցը դնելու տեղ ունենա, որ մայրն իր երեխայի համար մայրենի լեզվով օրորոցային երգի ու չվախենա, որ կարող է յաթաղան ճոճվի, որ այսօր՝ այսիօրվա գործող աբսուրդը բերում է մեր երկրին։ Այս մասին լրագրողների հետ զրույցում ասաց Հայաստանում եզդի իրավապաշտպան, Եզդիների տուն ՀԿ ղեկավար Այսեր Իսայանը։
«Ցանկացած եզդի, ցանկացած ազգային փոքրամասնություն, որ Հայաստանում կերտել է իր պատմությունը՝ գոնե վերջին 100 տարիների ընթացքում, իսկ մենք բոլորս լավ գիտենք, որ եզդի ազգի զավակների արյունով կերտված է նաև հայոց պետականության հիմքը, բոլոր դարերում միակ անդավաճան եղբայր ազգն է եղել, որ հայ ազգի հետ միասին կիսել է Ցեղասպանությունը»,- նշեց նա։